सांग चीन पाकिस्तानसोबत निकाह कधी करशिन...?

🇨🇳 "सांग चीन पाकिस्तानसोबत निकाह कधी करशिन..?"🇵🇰

नागपूर येथे झालेल्या 19 व्या राज्यस्तरीय समरसता साहित्य संमेलनात कविता सादर करताना...

--------------

कधी पाक कधी सार्क कधी म्हणतो माझा इराक 

ट्रम्प मोदी वाईट तुला गोड होतो जुना बराक

सरड्यासारखे रंग तुझे कितीदा बदलशीन

सांग चीन सांग पाकीस्तानसोबत निकाह कधी करशिन?......१ 

कधी कधी तुला लागती ओबोरचे डव्हाळे
पाकसोबत ग्वादारमधी करतो येडेचाळे
जरा लपुन जरा छपुन जग सारं पाहतं
पाकिस्तान अन् तुयं लफडं कुठी कुठी चालतं
नकट्या नाकाचा तोरा तुह्या किती दावशिन
सांग चीन पाकिस्तानसोबत निकाह कधी करशीन...? ........२

चीन तुह्या प्रेमिकेले भारतानं छेडलं
मोदीच्या दौ-यानी तुला रे पछाडलं
खरं कारण हेच तुला चिंतांनी वेढलं
म्हणुनच तू सैन्याला डोकलाममधी धाडलं
सांग रे सांग तू किती दिवस लपवशिन
सांग चीन पाकिस्तानसोबत निकाह कधी करशिन...? ..........३

प्रेमिका तुही भारी खरच मानलं तुला बुवा
अल्ला फादर गाॅड सांग घेतल्या कुणाच्या दुवा
बुरख्यामागची हसीना तिच तेवढी दिसत नाही
हाफीज आहे? अझर आहे की लखवी काही कळत नाही
सांग तुझ्या प्रेमीकेला मिठीत कधी घेशीन
सांग चीन पाकिस्तानसोबत निकाह कधी करशिन...?...........४

माशुका चालु तुही एवढा सल्ला ऐक
आंतरराष्ट्रीय लफडे तिचे सापडले हाय कैक
अमेरिकेनं सोडलं म्हणुन तुह्या मागी लागली
संपत्ती पाहुनच ती गोड तुह्याशी वागली
विश्वास नशिन तं ट्रम्प तात्याले विचारशिन
सांग चीन पाकिस्तानसोबत निकाह कधी करशिन...? ..........५

कालच एक पत्र आलं प्रेमीकेचं तुह्या
चीन म्हणे नकली नकटे आणि म्हणे खुज्या
भरवसा नाही म्हणे संसार टिकेल काय
शेवटी चायनिजच! गँरंटी मिळेल काय
एवढं सारं सांगुनही तू कुठे ऐकशीन?
सांग बरे पाकिस्तानसोबत निकाह कधी करशिन..? ............६

असा तू अशी ती असे तुमचे संबंध
देव जाणे जुळतील की होईल सारं बंद
थाटलाच जर संसार तर अपत्य होईन किती
हाँगकाँग, तिबेट, बलुचिस्तान किती रे गणती
ती बुरख्यात तू कोटात लय भारी शोभशीन
सांग चीन पाकिस्तानसोबत निकाह कधी करशिन...? ............७

पाकी बेटा तू सुद्धा एक गोष्ट ध्यानात ठेव
गोड बोलुन नव-याला तुझ्या डोकलाममधून उठव
सांग त्याला भारत काय उगी आता नडू नकोस
गर्वाच्या फुग्यात बसुन हवेमध्ये उडू नकोस
जुना भारत जुनी नीती खोटी भीती दूर गेली
होती नव्हती तुझी प्रिती तीसुध्दा दूर झाली
कदाचित हनिमुन तुमचं जन्नतमधीच अशीन
सांग तू चिनसोबत निकाह कधी करशिन..?...७

----------

✍🏻कल्पेश गजानन जोशी, संभाजीनगर